حنّ قلبي
حنّ قلبي وكل ما حنّ قلبي بكيت .... والبكى ماهو بعيب لا ولاهو حرام
سالت ادموع عيني يوم حنّ و شكيت .... عبرتي للعيون المدمعه بالظلام
يومها لدّت النظره بنظره خذيت.... منّك البال والهاجس بعذب الكلام
ياعيون الحبايب لاتلدّي فديت.... كافي اللي حصلّي من ورى هالهيام
جننن القلب يومه زاد شوقي بليت.... بلوة العاشق المرهف لعشقن عدام
سطّر الشوق قلبن من حناني نسيت.... ان الاشواق تحيا مايموت الغرام
تبعدك بالشهور تقرّبك لو سليت .... الخيال المواكب للمحبه يلام
طيف عشقه ملازم للفكر لوحكيت .... جدّد اجروح قلبي بعدما راح عام
قَلَمِي
مَاجِد مُحَمَّد الْمَطِيرِي
ارجو عند النقل ذكر الكاتب فضلا لا امرا احبتي
ليست هناك تعليقات:
إرسال تعليق