سجيت لــ الشاعر طير القوافي

سجيت
سجيت مدري ليه انا فيه سجيت
............................................. يمكن حنان الحب عاد ورجع لي
والله حتى لو رجع لي توصيت
............................................. في صد قلبه دوم كل ما طلع لي
مابي محبه زايفه تخرب البيت
............................................. ولا بي خساير حبها تندفع لي
ابي وفا واخلاص مهما تغليت
............................................. وابي عيون الحب دايم تبع لي
مير الهقاوي كلها من تمنيت
............................................. وبعض الاماني سلمها يمتنع لي
مثل الهوى حبك وحبي لدى ميت
............................................. ماعيشه حاضر زمانه وقع لي
ونهى لياليا وانا عقبه الغيت
............................................. حب المعذب يوم محدن سمع لي


للاستماع
 http://www.youtube.com/watch?v=WnSRK17skCQ&list=UUeVxRfZjivI3kzkS4t7bodQ&index=1&feature=plcp

قلمي
ماجد محمد المطيري
ارجو عند النقل ذكر الكاتب فضلا لاامرا
.....................................................احبتي

محبتي
15/ 4 / 2012 ميلادي ..23 / 5 / 1433هجري

بدلني الوقت لــ الشاعر طير القوافي

بدلني الوقت
قسى وقتي وبدلني مع الايام تبديلي
.......................................وغيّر طبعي الماضي الى طبعن جديد وغير
عقب صمت المشاعر صار يوميّن يهد حيلي
.......................................على مارادت الدنيا مقاديري وفى مع خير
تبدل كل شي فيني عدى ذكرى سهر ليلي
.......................................وذكرى الحب ياغالي ابد متروح مهما ايصير
موفّيها بحبي والغلا ماميله ميلي
.......................................كفاه اللي نتج منه بتبديلن معا تغيير
رغم نوح المشاعر والونين اللي بها ويلي
.......................................تجاوزته بلا مع لا ولالاما بها تقصير
تنسّي شي حلم ينسى ولو به كان تعليلي
.......................................صحيح البال ماراقه ولاكنه إلي تدبير
عقب قلبت دواليبي رضيت ابكل تبديلي
.......................................مدامه عزلي ياهيه انا راضي وانا له طير


للاستماع
http://www.youtube.com/watch?v=Ba88z7QOp7s

قلمي
ماجد محمد المطيري
ارجو عند النقل ذكر الكاتب فضلا لاامرا
.....................................................احبتي

محبتي
10/ 4 / 2012 ميلادي ..18 / 5 / 1433هجري

زرعت الورد لــ الشاعر طير القوافي

زرعت الورد
زرعت الورد لعيونك
.......................ولجلك كل شي مصلوح
عطر من طيب مكنونك
.......................يجدد للحياه أصروح
وانا نوعت بغصونك
.......................ثمان انواع ترد الروح
شذى لونه مثل لونك
.......................عبير الورد لك أيفوح
مع الكادي وفل كونك
.......................زهر عمري لكي مطروح
يرد لنفاس مفتونك
.......................غلا حيين ولا مذبوح
على ماقيل مجنونك
.......................وهو بالفعل لك إيبوح
بيوت الشعر لعيونك
.......................سلاسل عقدها مشروح

قلمي
ماجد محمد المطيري
ارجو عند النقل ذكر الكاتب فضلا لاامرا
.....................................................احبتي

الضيق لــ الشاعر طير القوافي

الضيق
تخنقني العبره وينتابني ضيق
.......................................من اشعر انك تبتعد ياحبيبي
تظلم مداين دنيتي لا ولا طيق
.......................................نفسي ولا روحي وكلي كئيبي
والله ياهي ضيقه اتنشف الريق
.......................................وتتعب خفوقن ماهنى له يطيبي
عايش بدنيا دون أية توافيق
.......................................مهموم حاله بالملامح مريبي
شوفي عيوني وأقر من بالمعاليق
.......................................مكتوبه احروفه ومني قريبي
من له ثنايا الوجد تدفق تدافيق
.......................................من شوقها كن بالحنايا لهيبي
انتي بعيني دون كل المخاليق
.......................................تسوين كل الناس ماهو غريبي
دامك بقلبي درة الكون باضيق
.......................................لامن فقدتك شمس عمري تغيبي

للاستماع
http://www.youtube.com/watch?v=D5k0zyemxn0&list=UUeVxRfZjivI3kzkS4t7bodQ&index=3&feature=plcp

قلمي
ماجد محمد المطيري
ارجو عند النقل ذكر الكاتب فضلا لاامرا
.....................................................احبتي

محبتي
1/ 4 / 2012 ميلادي ..9/ 5 / 1433هجري