تخطي واسامح _ ماجد محمد العزيزي

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..
تخطي واسامح والخطا منك مسموح
مهما خطيت القلب لابد يسامح

وان زادت اجروحك ف انا دوم مجروح
جرح الليالي يدمح القلب دامح

ترى الخطيه منك تتعب الروح
تبقى ثلاث ايام في فكر لامح

لكن غلاك ايبيح سد الغلا بوح
لين اصبحت كل المشاعر تسامح

اخطي ولاتشرح معاذيرك اشروح
اقرب لقلب العاشق اجروح جامح

جمح فواد الوجدوالوجد مطروح
في حبها يرسم وضوح الملامح

اثر المحبه تبني اصروح وصروح
واثر المفارق يهدم آمال طامح

الله يسنعها على وين مااتروح
والله يجازي كل شخص مسامح



قلمي
ماجد محمد المطيري
ارجو عند النقل ذكر الكاتب فضلا لاامرا
احبتي


  https://www.youtube.com/watch?v=db7bs00v-b0

محبتي
21/ 9/ 2015م ـــ 8/ 12/ 1436 هـ ..

هموم القلب ـ ماجد محمد العزيزي

 السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..
اكبر هموم القلب فقده لغالي
غالي ملك روح الفواد وتكبر

صابه غرور اجبر بعادي لحالي
مالي وماله لكن القلب عبر

عن رسمة ترسم ملامح خيالي
واضح بها بعدي عن اللي تجبر

هامة حروفي وسط وصف طرالي
كنه سراب الوجد أو سرب حبر

هذا القلم يكتب ولاله مجالي
يبعد عن اللي في خيالي مدبر

تسعفني الذكرى بطيب المنالي
وينهيني الاحساس يوم آتصبر

على الشقى كن العوازم هزالي
وانا عزومي قوها من يخبر

ان الفعول اتشاف بالعين عالي
مثل المصلي في صلاته يكبر


قلمي
ماجد محمد المطيري
ارجو عند النقل ذكر الكاتب فضلا لاامرا
احبتي


للإستماع 
https://www.youtube.com/watch?v=1pq3Phg35p4&feature=youtu.be

محبتي
03/ 9/ 2015م ـــ 19/ 11/ 1436 هـ ..

الصبر_ماجد محمد العزيزي

 السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..


اصبر على صلف الزمان وتحمّل
مهما قسى وقتك.. ظروفك تغيّر

الوقت ماشي والليالي تكمّل
لا ليل واقف في نهارٍ مسيّر

كلن على دولاب يمشي مكمّل
في ساعةٍ تقضي دقايق تسيّر

محدٍ مولي خاطره لاتخمّل
واسكن معه تيه الزمان وتجيّر

لاعين تنظر للمعالي تجمّل
ولاقلب يحيي صاحبه لا تحيّر

الله معا اللي صابرٍماتهمل
يطلبه عونه فاخر الليل صير

كل الحواس إلباري الكون حمل
وعيون تدمع طالبه ماتخيّر

لين الفرج تمم عليه وتذمل
وتبدلت أحوال صعبه تديّر

اصبر وماصبرك على الله مهمل
لابد تفرج ..الله وحده مغيّر

للاستماع

https://www.youtube.com/watch?v=T5agOKW7mqk&feature=youtu.be

قلمي
ماجد محمد العزيزي
ارجو عند النقل ذكر الكاتب فضلا لاامرا
احبتي


محبتي
05/ 7/ 2015م ـــ 18 / 9/ 1436 هـ ..

المتاهات _ماجد محمد العزيزي

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..
يسوقني حب الغضي للمتاهات
يرمي خفوقي وسط ضيقة همومه

يجعل حياتي غارقه بين الاهات
واحساس بالوحده يبيّت عدومه

اعشق حبيبي عشق ابوها للاابيات
واعشق تراب الارض فيها ورومه

ماحد يلوم القلب لاجر ونات
وازفر ونينه بعد شهقه ملومه

العين تسهر تالي الليل مااتبات
والفكر شارد ينتظر في قدومه

الطيف وافي جيته تثبت اثبات
انه على عهده مثبت عزومه

حبه فقلبي حي وهو حي مامات
مامات حدٍ بالهوى قبل يومه

للاستماع
في اليوتيوب بعنوان

المتاهات_ ماجد محمد العزيزي


قلمي
ماجد محمد العزيزي
ارجو عند النقل ذكر الكاتب فضلا لاامرا
احبتي


محبتي
12 / 2 / 2015م ـــ 22 / 4 / 1436 هـ ...

كف الغرام_ماجد محمد العزيزي

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..

مدّ كف الغرام اشبك يديكا بيدّي
خل بعض المشاعر تختلط مع بعضها

كود فيها تحس ان المحبه تودّي
بين قلبك وقلبي ياغلايا نبضها

انصف الروح فيها لاتكابر تصدّي
ماعلى الحب قوى تمنعك وترفضها

نظرتك ماتخيّب سهمها لك مقدّي
للعيون الكحيله ماحدٍ قد لحضها

بسم رب الخلايق بدها لاتردّي
المحاسن فضيله منبع الحسن حضها

اهمس الكلمه اللي في خفوقك وهدّي
المشاعر حقيقه حبنا اللي فرضها

اعشقك في غرورك واعشقك في تحدي
هالمحبه عظيمه دام قلبي لفضها

للاستماع
في اليوتيوب بعنوان

  http://www.youtube.com/watch?v=tdYRL-3mRG0


قلمي
ماجد محمد العزيزي
ارجو عند النقل ذكر الكاتب فضلا لاامرا
احبتي


محبتي
/ 11 / 2014م ـــ 22 / 1 / 1436 هـ ...

الطيّب ما أخليه_ماجد محمد العزيزي

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..

اوقف مع الطيب ولاني مخلّيه
انا خويّه فالرخى و الشدايد

اروم عزّه عزتي في تعلّيه
والموقف اللي حدّني له محايد

انظر على بعد المسافه ودلّيه
درب المعالي موصله عثر كايد

لكن على الله دنيةٍ ماتولّيه
اتميّله دون الشواهيق سايد

ارقى معه وعطيه كلمه تخلّيه
يصعد على القمه بليا نقايد

نعبر صواديف الزمن لو تصلّيه
نفتل حبال امعقدات القلايد

الطيب يسعى صاحبه مايسلّيه
ولايبيع الود راعي الوكايد

اينولك عين العظيمه مدلّيه
هذا الرفيق اللي من الطيب زايد

للاستماع
في اليوتيوب بعنوان


 http://www.youtube.com/watch?v=b3xd-Kh2-iA&feature=youtu.be



قلمي
ماجد محمد العزيزي
ارجو عند النقل ذكر الكاتب فضلا لاامرا
احبتي


محبتي
21 / 9 / 2014م ـــ 26 / 11 / 1435 هـ ...

ناديت لحساسك_ماجد محمد العزيزي

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد :..

 
ناديت لحساسك تعال اقرب هنا
قده النظر عطشان شوفك يالحليم

مده وقلبي من عذابه مهتنا
فالعين دمعه تنسكب من شوق اليم

شفه المحاني واقده حميا سنا
متلهبه تحرق ضلوعي بالحميم

مرات تجذبني وعيش امن الهنا
ومرات تبعد وشتكي حرقه وضيم

اشتاق لك والشوق فيني للعنا
يحدّني لصمت وخيال النعيم

اتخيلك قربي وهو أنتا انا
وناظر اعيوني وشف سحبٍ وغيم

واقول عل المزن ماتدني دنا
ولايبين الخافي المستور ديم

حبيبتي في خافقي جمله غنا
كل الحكايه اشتقت لك والله العظيم


للاستماع
في اليوتيوب بعنوان

  http://www.youtube.com/watch?v=CNnwAIGwOGw&feature=youtu.be



قلمي
ماجد محمد العزيزي
ارجو عند النقل ذكر الكاتب فضلا لاامرا
احبتي


محبتي
20/ 6 / 2014م ـــ 22/ 8 / 1435 هـ ...