الاثنين، 27 يناير، 2014

سألت روحي لــ الشاعر طير القوافي

سألت روحي

سألت روحي وش كثر تعشق اجروحي
.......................................... ووش كثر لذة حزوني تبكيها
كان اعتقادي فرحتي تهدم اصروحي
.......................................... وكانت ظنوني دايمن في تشكيها
من شمس فجري للعشيه وانا نوحي
.......................................... الله يسامح دمع عيني مبكيها
اقول ليت اقفيت ماقلت مجروحي
.......................................... ولاتبين في خفوقي تركيها
حاولت اعديها معي دون مملوحي
.......................................... اجرب الدنيا بلاها وزكيها
ماكنت داري حبها حب مفضوحي
.......................................... فيها تبين مثل مافي محكيها
تبادل الاحساس والقلب مفتوحي
.......................................... وكلن على روحه معيي يذكيها
اصل المعاتب داخل العشق مسموحي
.......................................... خصن ليا كان المعاتب يحكيها


للاستماع

  http://www.youtube.com/watch?v=Dq_nK7_Q_u0&feature=youtu.be



قلمي
ماجد محمد المطيري

ارجو عند النقل ذكر الكاتب فضلا لاامرا
احبتي


محبتي
27 /1 / 2014 ميلادي .. 26 /3 / 1435هجري

الاثنين، 13 يناير، 2014

خذ القصايد لــ الشاعر طير القوافي

خذ القصايد


خذ الشعر مني وخذ معه الاحساس
.......................................... ماعاد لي رغبه فكتب القصايد
الله وكيلك كلما هب نسناس
.......................................... اتطيح من عيني دموع الثرايد
مدري علامي وقتها أنحي الراس
.......................................... وضم كفوفي بين خدر الوسايد
حتى مبين للخلايق ولناس
.......................................... وش فيه نبض القلب دايم محايد
مبعد عن الدنيا وعايش ولاباس
.......................................... في ضيم عمري مانتج لي فوايد
خذها مشاعر صادق ابصدقها حاس
.......................................... ان المحاني ترتجي منك عايد
هذا أنا اطفي شمعتي فوق نبراس
.......................................... واتوجك رتبه وسميك قايد


للاستماع

http://www.youtube.com/watch?v=Jq4JkYqsvQw&feature=youtu.be

 

قلمي
ماجد محمد المطيري

ارجو عند النقل ذكر الكاتب فضلا لاامرا
احبتي



محبتي
13 /1 / 2014 ميلادي .. 11 /3 / 1435هجري