الغياب
عذّبتني بالغياب طوال هالمده .... شوقي يزيده وله قلبي مع اشواقي
لاتحرم القلب شوفك لا ولاتهده .... قلبي تعلّق بقلبك حيل مشتاقي
ودي بشوفك قريب القلب وفحده .... تسكن حقيقه بروح القلب خفّاقي
شوف الغلا والمودّه ماهي بْضده .... تدعم وصول المحبه داخل اعماقي
بين الضلوع المحاني ماحدن قده .... يامر على من عطا ه القلب ماذاقي
وجدي على شوق شوقي لابغى هده .... روّح وخلّا غيابه لين الاشراقي
ملزوم بصبر ولو طالة به الشده .... غالي سكنّي وعايش بغلا الافاقي
بصبر على ماحصل واعيش هالوحده .... عايش ونار المحبه تحرق احراقي
قَلَمِي
مَاجِد مُحَمَّد الْمَطِيرِي
ارجو عند النقل ذكر الكاتب فضلا لا امرا احبتي
ليست هناك تعليقات:
إرسال تعليق