على شاطي بحر جدهـ لــ الشاعر طير القوافي

على شاطي بحر جدهـ ............................ ...................



على شاطي بحر جده خذاني حسي الوافي
بعيد اشوي عن العالم مع الموجه على مده


حكى لي كيف شوق القلب ينبع داخل اجوافي
من النظره يجاذبني ويحييني معا رده


يزيد احساس روحي له ليامن قال متعافي
وراضي بالقضى والله على ماقلت بابده


انا روحي فدى روحه فداه القلب ميلافي
وفي وافي ومستوفي وفاه اللي وقف ضده


وبين لي غلا حبن خفى في داخله خافي
يعيش المر والقسوة سبايب هجرمن صده


شكيت الموج يومنه عرف من كان متجافي
عرف معظم حقايقنا عرف من باح له سده


رميت اهموم صدري فيه زورقنا ومجدافي
هويته صدق يا عالم وهاذا هو بحر جده


على شاطيه بحت اشواق قلبي له وانا صافي
خذا مني غرام الحب وذكرني غلا وده


كفايه يابحر كافي ابي تعطيني انصافي
ابي منك تناظرني تشوف القلب من هده

  للاستماع 

 http://www.youtube.com/watch?v=0m1aoVGoUck&feature=related

 

......................قلمي
ماجد محمد المطيري........................

محبتي

5 / 12 / 2011 ميلادي .. 9 / 1 / 1433هجري