الأحد، 15 يناير 2012

ضاق الفضا لــ الشاعر طير القوافي


ضاق الفضا
ضاق الفضا فيني ودمعة عيوني ....من كثرما ضاق الفضى بتّساعه
كنّي وحيد بكون ماهو بكوني
....امشي على مهلي وخايف خداعه
ياكثرما أوهم بشر بشّّروني
....بشارة الواثق برغم انقطاعه
يوثق احاسيسه ولو كان دوني
....صدّق بها احساس ذاق الجزاعه
سود الليالي زوّدة من شجوني
....واقفت تناظرني وفيني قناعه
بن الوحيد اللي له القلب عوني
....هو الوحيد اللي ذبحني وداعه
من يوم ماودّع وانا جن جنوني
....اخايل التخيال وبحر تباعه
من حيث ماوجّه تبعته بهوني
....اساير النظرة بنظرة شجاعه
تهيبها عين المقفّى طعوني
....طعنة خفوق القلب توجع وجاعه
ساعة وجع ضمّة خفوق الحنوني
....وضاق الفضى فيني برغم انخضاعه

قلمي
مَاجِد مُحَمَّد الْمَطِيرِي
ارجو عند النقل ذكر الكاتب فضلا لا امرا احبتي

ليست هناك تعليقات:

إرسال تعليق